Үржар ауданы әкімінің блогы

Қымбатты үржарлықтар, Қарулы күштер жауынгерлері мен ардагерлері!

Сіздерді Отан қорғаушылар күні — жалпыхалықтық мерекемен, жігерлі адамдар және ерік күші иелері күнімен шын жүректен құттықтаймын!

Бұл күні біз Қарулы күштер қатарында қызмет еткендер мен сапта жүргендерге құрмет көрсетеміз. Мемлекеттің, қоғамның және әрбір қазақстандықтың қауіпсіздігін қорғаушылар мен өз еліне шексіз берілгендер де сондай ілтипатқа ие.

      Бұл — ерекше мереке, біз бұл күні Ұлы Отан соғысы ардагерлері, ерлік пен батылдықтың өлшеусіз үлгісін көрсеткен барлық жерлестеріміз, Ауғанстанның отты жолдарымен өткен ержүрек жауынгерлер алдында тағзым етеміз.

Уақыт алмасады, ұрпақтар өзгереді, бірақ Отанға сүйіспеншілік, қажырлылық, ерлік, жауынгерлік рухымыз өзгеріссіз қалады.

Отан қорғаушылар күні өзінің бастапқы кәсіби белгіленімінен әлдеқашан биік дәрежеге көтеріліп, Отанды қадірлейтін, оның тарихын құрметтейтін, ерлік пен жауынгерлік күшке ие нағыз ерлердің мерекесіне айналды.

Бұл күн Отанға сүйіспеншілік іспетті адами құндылықтардың тұрақтылығы және өлшеусіздігі, оның мүдделерін қорғауға әзірлік, патриотизм мен ерліктің барлық көріністері туралы айғақтайды.

Қымбатты жерлестер!

     Бүгінгі ерекше күні Сіздерге шын жүректен бақыт пен татулық, әр отбасына шын жүректен, шынайы көңілмен бақ-береке тілеймін. Еліміз аман, жұртымыз тыныш болсын! Ардагерлеріміздің дені сау болып, солдаттар мен офицерлеріміз табысты қызмет ете берсін. Ержүрек және жігерлі адамдардың бұл мерекесі әрдайым қуаныш пен бейбіт күн әкеле берсін!

     Сіздерді 1 мамыр – Қазақстан халқының бірлігі күні мерекесімен шын жүректен құттықтаймын!

Бұл – біздің достығымыз бен бірлігімізді, бейбітшілігіміз бен тұрақтылығымызды білдіретін мереке. Тәуелсіздік жылдарында жүргізілген реформалар, ең алдымен мемлекеттің тұтастығын қалыптастырып, көпұлтты Қазақстан халқының бірлігін сақтауды көздеді. Бұл мейрам бүгінде Қазақстан халқының бірлігі күні деген мазмұнда жалғасын тауып, көпэтносты елдің тыныштығы мен татулығының нышанына айналды.

Мемлекет басшысының сындарлы саясаты және барша қазақстандықтардың бірлігі мен татулығы нәтижесінде еліміз әлемдік қауымдастықта лайықты орынға ие болды. Сындарлы да, салиқалы мемлекеттік саясаттың және халқымыздың айрықша татулығының арқасында бұл мереке тек бірліктің нышанына ғана емес, әрбір қазақстандықтың патриоттығы мен азаматтық жауапкершілігінің нағыз үлгісіне айналды. Осының нәтижесінде елімізде әлемге әйгілі болған саяси-экономикалық тұрақтылық орнады.

Осы ретте қазақстандық қоғамды қалыптастыратын, этникаралық татулықты сақтауға бастайтын институт – Қазақстан халқы Ассамблеясының рөлін де ерекше атап өткен жөн.

Қымбатты үржарлықтар биыл Тәуелсіздігімізге 20 жыл. Осы мереке қарсаңында және Қазақстан халқының бірлігі күні мерекесімен Сіздердің отбасыларыңызға құт-береке, бақыт, бейбітшілік тілеймін!

Туған Отанымыз Қазақстанның аспаны ашық, рухы биік болып, береке-бірлігі нығая берсін!

Жыл да  асыға күтетін Ұлыстың Ұлы күні - жайма шуақ Наурыз биыл да табалдырығымыздан аттады. Наурыз мерекесінің халықтық күн болып саналатыны - күн мен түннің теңеліп, бүкіл табиғи әлемнің жаңаруы басталады. Ұлтымыз осындайда: ақ мол болсын, денсаулығың зор болсын! Айналаң көкке толсын, мал-жаның төлге толсын, - дейді. Күн шуақты Наурыз мерекесі табиғи әлемнің барлық жаратылысына нұры мен жылуын шашып, бойларына нәр дарыта түскей!

Осынау Ұлыстың Ұлы күнінде Сіздерге зор денсаулық, жұмыстарыңызға табыс, отбасыларыңызға бақыт тілеймін! Нұрлы Наурыз мерекесінде көпұлтты қазақстандықтардың ұлы достығы мен береке бірлігі арта түссін!

Құрметті үржарлықтар! Қасиетті бабаларымыздың ақ батасы мен өнегелі дәстүр куәгері болған, осы көктем мейрамы әрбір шаңыраққа жақсылық, қуаныш, ырыс әкелсін!